පැබ්ලෝ පිකාසෝ ගැන අමුතු කතා

Interesting Facts of Pablo Picasso!
___________________________

* පැබ්ලෝ පිකාසෝගේ සම්පුර්ණ නම වචන 23කින් යුක්ත වේ. එම සම්පුර්ණ නම නම් "Pablo Diego José Francisco de Paula Juan Nepomuceno María de los Remedios Cipriano de la Santísima Trinidad Martyr Patricio Clito Ruíz y Picasso"

* පිකාසෝ උපතේදී අතිශයින්ම කුඩා වූ නිසා හෙදිය විසින් ඔහුව මළදරුවෙක් ලෙස සළකා මේසයක් උඩ අතහැර දමා ඔහුගේ මවට සාත්තු කරමින් සිටියදී ඔහු ජීවත් වන බව හඳුනාගෙන ඔහුව මරණයෙන් ගලවාගෙන ඇත්තේ ඔහුගේ මාමා කෙනෙකු විසිනි.

* කුඩා පිකාසෝ පළමුවෙන් කියූ වචනය " mama” හෝ  “dada" නොව "piz" යන්නයි. එනම් ස්පාඤ්ඤ භාෂාවෙන් පැන්සලට කියන "lápiz''යන්නෙහි කෙටි වදනයි.

* පිකාසෝ තම පළමු විශිෂ්ට සිතුවම වන "The Picador" ඇඳ අවසන් කලේ ඔහුට වයස අවුරුදු නවයේදීයි.

* ඔහුට වයස 13ක් වන විට ඔහුගේ සිතුවම් දක්ෂතාවය දුටු සිතුවම් ශිල්පියෙකු හා ගුරුවරයෙකු වූ ඔහුගේ පියා තම සිතුවම් ඇඳීම බොහෝ දුරට අත් හැර දැමුවේ සිය පුතා තම දක්ෂතාවය පසු කර ඇති බව වටහාගනිමින්.

* සිතුවම් ශිල්පියෙක් පමණක්ම නොවන පිකාසෝ තවත් බොහෝ දේට දක්ෂතා දැක්වූවෙක්. ඔහු මුර්ති ශිල්පියෙක්, පසුතල නිර්මාණ ශිල්පියෙක්, නාට්‍ය රචකයෙක් මෙන්ම කවියෙක්ද වෙනවා. ඔහු විසින් ලියා ඇති කවි සංක්‍යාව 300කට අධිකයි. * පිකාසෝට වයස 29 ක්ව තිබියදී එනම් 1911 වසරේදී ඔහුව සහ ප්‍රංශ කවියෙකු වූ Guillaume ව අත්අඩංගුවට ගෙන ප්‍රශ්ණ කිරීමට ලක් කරනු ලැබුවේ ලුවර් කෞතුකාගාරයෙන් ලියනාඩෝ ඩාවින්චි ගේ සුප්‍රසිද්ධ මොනාලිසා සිතුවම සොරකම් කිරීමට සැක පිටයි. පසුව එම කෞතුකාගරයේම සේවකයෙකු එය කල බව හෙලි වුණා.

* සිතුවම් ශිල්පියෙකු ලෙස පිකාසෝ  ලැබූ ජනප්‍රියත්වයට අමතරව තවත් එක් දෙයක් සඳහා ඔහු වඩාත් ප්‍රසිද්ධයි. ඒ ඔහුගේ ස්ත්‍රී ලෝලිත්වය පිළිබඳවයි. සුප්‍රසිද්ධ ස්ත්‍රී ලෝලියෙක් වන පිකාසෝ දෙවරක් විවාහ වූ අතර විවිධ කාන්තාවන් තිදෙනෙකුගෙන් දරුවන් සිව්දෙනෙකු ලැබූ අතර ඊට අමතරව වරින් වර දීර්ඝකාලීන සම්බන්ධකම් පවත්වා ඇති කාන්තාවන් ගණන 8 ට වැඩියි.

* ලොව වැඩිම නිර්මාණ සංක්‍යාවක් බිහිකළ සිතුවම් ශිල්පියා වන්නේද පිකාසෝ යි. එම නිර්මාණ සංක්‍යාව ගණනින් දෙලක්ෂය ඉක්මවනවා.

* ලොව වැඩියෙන්ම සිතුවම් සොරකමට ලක්වූ චිත්‍ර ශිල්පියාද පිකාසෝ යි. වරින් වර විවිධ පුද්ගලයින් සහ ආයතන විසින් සොරකම් කරන ලද, අතුරුදන් වූ සහ අයිතිය සම්බන්ධයෙන් නඩු හබ හා වාද විවාද වලට ලක්වූ ඔහුගේ නිර්මාණ සංක්‍යාව 1147 ක් ලෙස ලැයිස්තුගත කොට තිබෙනවා.