හැර යන නුඹට

වැරැද්දක් වගේ වුණාද හදන්න බැරි වරද

කරච්චලය වගේ දැනුණ ද මගේ බොලඳ වචන

දුකක් අරන් බැරි හින්දා යන්නට මට දුරට 

තවත් බලං මං ඉන්නේ නුඹ යන හැටි පුදුම ...

ගියොත් ඔහොම දිගු ගමනක් නුඹ මා සිත දවන 

දිරච්ච අත්තක් වගේ වෙයි මැරිච්ච මම ගහක

ඉලත්තට්ටුවක්  දීලම ගන්නට හිටි දෑත 

නවත්තා ගන්නේ කොහොමද වැටහෙන් නෑ මටම...

දුකයි සැපයි විඳදරාන  මම තනියම හිටියේ 

නුඹයි මමයි මුණගැහිලයි ඒ හැඟුමන් බිඳුනේ

කලක් ගිහින් මේ විදිහට ආදරයෙන් බැඳුණේ 

වෙනස් වෙන්නේ කොහොමද නුඹ මේ හැටි රත්තරනේ... 

දිනක් එවී යම් කලකදී නුඹටත් මා දැනෙන

අදත් වගේ ඒ දවසත් එනතුරු ළඟ රැඳෙන 

මලක් වගේ පරවී යන ආදරයට පෙමිණ

විලක් වගේ මම ඉන්නමි නිසලව දිය රැඳෙන...